Кхерамзлен оагӏонца къахьегарий Ден хетаяь лекци йийшар Магасе
Хӏара шера оагӏой бетта 20-ча дийнахьа ерригача Россе моттигашка дездеш дола кхерамзлен оагӏонца къахьегарий Ди хьаллоацаш, вай мехкарча «Даьхе - тхо» яхача Федеральни проекта тоабо Магасе дӏайихьар «XX-ча, XXӏ-ча бӏаьшерашкара российски лоархӏамеча оагӏон болхлой» яха лекци.
Шахьарерча кагирхой цхьанкхетарий Цӏагӏа хилар из лоархӏаме кхетаче. Веза хьаьша волаш, цига дакъа лоацаш хиннача Ерригача Россе СВО ветераний Оагӏон гӏонча, моттигерча СВО ветераний оагӏон кулгалхо волча Томбенаькъан Мовсара кагирхошка дийцар Даьхенцарча лерхӏамах,иштта , кхерамзлен оагӏонцара хьал лорадеш лаьттараш тахан белгалбар лоархӏаме хӏанад. Кагирхой гӏулакхех йолча Комитета керттера болхло, тӏема операце доакъашхо волча Шоанахой Муслима тӏема аренашка шийна дайначох дийцар кагирхошта, даьша лорадеш хьадена вай истори лорадара тӏахьийхар.
Юкъарлен оагӏонцара болх лелабеш волча Мамилганаькъан ӏаддал-Мажита ший къамаьл декхараш кхоачашдеча наькъ тӏа вахар хаьдача ФСБ болхлошта хетадир», - дийцар тхога «Даьхе -тхо» яхача моттигерча проекта болхло йолча Коазой Лолитас.
Россе моттигашкара кхерамзлен оагӏонцара хьал лорадеш, шоай декхараш дизза кхоачашдеш къахьийгарий цӏераш яйзар цу кхетаче къонабарашта. Ший Даьхен истори довзаш, тохкаш хилар лоархӏаме да тахан хӏара сага.
