Магасе дӏайихьар «Бералла наькъий» кхетаче: низ цхьоагӏонца ба»
Магасе дӏайихьар моттигера «Бералла наькъий: низ цхьоагӏонца ба» яха сесси, цун маӏан дар кхетам балара оагӏув хьакхоллар, цо новкъостал дергдолаш берашца, кагирхошца дӏахьоча балха юкъе патриотически кхетам балар чӏоагӏде, иштта Даьхенна гӏулакх ду яха программа дӏаяхьа.
Хьаьший тӏаэцаш, Гӏалгӏай Республике «Бералла наькъаш» яхача проекта болх лелабеча Колой Саӏида белгалдир, керда философи йовзийташ бераца болх дӏабахьар лоархӏаме хилар, из хьалхарча аргӏагӏа оттадеш хилар Российски берий - ондаргий центро, иштта Наькъахой профессиональни юкъарлоно. ГӀР арахьарча бувзама, къаман политикан, зарбан министра гӏонча волча Пхьаранаькъан Асхьаба терко тӏаяхийтар берий духовно-нравственни оагӏон никъ нийса вӏашагӏболла безара, къаьстта из дезаш да культуран дегӏабара, иштта вахара тешшаме никъ лелабара.
«Вай аматаш» яхача журнала керттерча редактора Курскенаькъан Ибрахӏима дийцар «Сердало» яхача кепайоазон цӏен балхах, укх тӏехьарча шерашка дукха хӏама де карагӏдаларах. «Сердало» газета сайта тӏа цо гойтар, малагӏча тайпара дӏахьош да мотт таьрахьашка баккхар. Къаьстта терко тӏаяхийтар, «Селаӏад» журнала лаьрххӏача интернет-майдашта, иштта «Литературни Гӏалгӏайче» журнала. Уж ши сайт, хьакхеллача хана денз, гӏалгӏай меттала я, цо таро лу тайп-тайпара ха яьннача наха юкъе из мотт боаржабе.
Мухьмада Ибрахӏима къамаьл деш, дукхагӏа терко тӏаяхийтар «Гӏалгӏай меттала йолча Яндекс переводчика». Цу тамашийнача майдо таро лу вай къаман викалаш цу юкъебаха, цхьан шера гӏалгӏай мотт хьехаш болча наха таржам дир 100 000 предложенена. Хӏанз укх сахьате цу берригача балхага хьожаш ба, из дӏачакхбала кӏийле еш.
РФ этнокультура, къамаш, духовни дегӏаахар дувцаш, гулбеннарашта хьалхашка къамаьл дир Гӏалгӏай историко-географически «Дзурзуки» юкъарлон викала Дзовранаькъан Танзилас. Ше къамаьл деш, цӏихезача этнографа дийцар, «Илли. Юха хьакхоллар гӏалгӏай къаман ашарий кхоллам» яха ший тоаба проект кхоачашъеш хиларах. Цо яхачох, цар таро хилар гӏалгӏай ашарий гӏирсаш кердадаха, «Овла» яха ансамбль хьакхолла.
«Тхона, хьехархошта, хьехамчашта, кулгалхошта хьалхашка доккха декхар латт: ер шу лерттӏа дӏадахьар, бераш кхетадергдолаш, миштай из боккъонцахьа йола российски юкъарло», - аьлар ГӀР дешара, ӏилман министра Цхьорой Ахьмад-Башира.
Кхетаче чакхйоалаш вӏашагӏбеллар мах бола юкъарлон цхьанкхетара болх, кхетам балара хьал цунна чудоагӏаш хургдолаш, из хетадаь дар Россе къамий цхьоагӏон Шу хилара.
