Магасе яхьаш дӏайихьар, «пенальти» оалача футбола даькъах
29.06.2026 16:23
Гӏалгӏайчен столице, Пхьарчанаькъан Мухьмада цӏерагӏча шахьара стадиона даькъ тӏа футбола «пенальти» яха яхьаш хилар.Цига массазара футболах ловзар хилац, духхьал бургац наIарашка нийсагIа чуеттар мара.
«Наркотикашца къовсам лоаттабара Халкъашта юкъера ди долаш, иштта кагирхой Ди долаш, гулъелар бархӏ тоаба. Тайп-тайпарча урхаллений, боахамий викалаш яхьебаьлар коталон моттиг яккхара. Кхетаче дӏахьош хилара бахьан дар унахцӏенон вахара хьисап гойтар, наркоманена духьала болх бар, кагирхошта юкъе нийслу кхыдола харцахьа хӏамаш юхатохар. Яхьаш дӏахьош, чӏоагӏагӏа йола тоабаш белгалйир совгӏаташца, дагалоаттама кубкашца, майдилгашца, дипломашца», - аьлар ГӏР культуран, спорта, туризма Центре.
