«Къамаш къестадар: из даржар кхераме хӏанад?» яха кхетаче дӏайихьар Магасе
Магасе дӏайихьар «Къамаш къестадар: из даржар кхераме хӏанад?» яха кхетаче. Из хоам «Сердалога» бир цу моттигера. «Гӏо деш леларий кулгалхочун гӏонча волча ӏарчакханаькъан Саӏида кагирхошца дийцар, цу воча гӏулакха духьале лоаттаеш, кхоачашде дезарех.
Къамаш къестадеш дола гӏулакх массахана зуламе, наха юкъе гоамал йоссийташ, барт бохабш хиннад, цудухьа тахан къаьстта къонабараша геттара чӏоагӏа духьале лоаттае еза цу ийрчача, цхьаккха тайпара хьаллаца йиш йоацача гӏулакха.
Кхетаче дӏахьош белгалдир, из эггара чӏоагӏагӏа тахан интернета оагӏонашка гӏолла доаржаделга, зуламхой, Даьхенцара безам чӏоагӏбарах дола хабараш хьалхаувттадеш, шоай бӏеха гӏулакх чакхдаккха, кагирхой сакхетам тувлбе гӏертилга», - дийцар тха газетага.
«Исторега диллача вайна дика хов, цу хӏамо мел доккха зуламаш доаржаду. Миллионаш дола адам дийна, паччахьалкхенаш, наьха вахар дохадаь хӏама да из. Ший культура, истори довзаш, дешара тӏакхувш, ший кхетам лакхбеш хила веза саг. Вӏаший лерхӏам, барт хилар, эздел лорадар массахана лоархӏаме хиннад», - аьлар ӏарчакханаькъан Саӏида.
