Магасе дӏайихьар Парламента бӏаьстен сессе тӏеххьара кхетаче

Из дӏайихьар Тӏумхой Мухьмада кулгал деш. Цига дакъа лоацаш вар Гӏалгӏайче гӏолла вола керттера федеральни инспектор Гудов Залим, Лакхерча суда кулгалхо Гӏазданаькъан ӏийса, республикан прокурор Васильченко Андрей. Ше къамаьл деш, Гӏалгӏайчен Паччахьалкхен Председатела Сластенин Владимира белгалдир, цу пхе шера дукха хӏама хувцадалар, цхьана дукха законаш кхоллара, кхоачашдара ӏаьдала болх дӏабихьа хилар. Цо баркал аьлар депутаташта шоай болх дика бовзаш, бехктокхаме дӏабахьарах.

«Укх шерашка вай чакхдала дезаш хилар арахьарча, чурча тӏахьехамашка гӏолла. Цхьана вай хьакхеллар бокъоний чӏоагӏа кӏийле, республика дегӏаяра из ца хилча яргьяцар, иштта экономика, вахара оагӏув дегӏайоалаяра, юкъера а зӏамига а бизнес хьаллацара тӏехьа къахьийгар, новкъостал дир лаьрххӏача операце доакъашхошта, цар дезалашта»,- аьлар Паччахьалкхен Председатела.

Кхетаче дӏахьош, депутаташа техкар 2026 шера, иштта планах долча 2027-2028 шерашка бюджета хувцамаш, тӏаийцар цхьацца дола моттигера законаш, ГӏР машар бу судхо харжар.

Республиканна лоархӏаме хилар Халкъа Гулламо «Наха сийдер» яха Орден хьожаяр.

Халкъа Гуллама Кулгалхочо Тӏумхой Мухьмада белгалдир, 2001 шера, ардара бетта денз, Гӏалгӏай Республико 348 закон тӏаийца хилар, иштта техкад 4 158 федеральни, моттигера боарам бола законодательни гӏулакхаш.