Боккхагӏбарашца бувзам лоаттабарах йолча моттиге баьхкарашца, кхетаче дӏайихьар Магасе
Наьсарерча, Жӏайрахьа кхалерча боккхагӏбарашца бувзам хиларах йолча моттиге баьхкарашца видеокхетаче дӏахьош хилар Россе Вахара оагӏонцарча гӏулакхех йолча Ганза моттигерча оагӏон хьалха латта Йовлой Зубейр. Из хоам «Сердалога» бир мехкарча ОСФР.
«Цхьацца дола лоархӏамедараш дашха, тахка аьттув баьлар цу кхетаченга гӏолла. Моттигерча бахархошта чӏоагӏа лоархӏаме да из, хӏана аьлча Вахара гӏулакхех йолча ганза болхлоша цхьацца кхоачамбоацараш меттадоаладара тӏехьа гӏо ду царна тахан.
Бахархоша белгалдаьрашта юкъе дар пенсецарча хувцамашца дувзаденна дола, иштта ӏаьдалгара гӏо деш хьадоагӏача цхьаццадарех дола хаттараш. Уж дашха, тахка ловш бар нах. Боаггӏача боараме деррига шоашта довзийтарах, баркал аьлар цар», - йоах тхога бенача хоамо. Йовлой Зубейра белгалдир, иштта йола кхетаченаш дӏакхахьар тахан цу наьха вахаре лоархӏаме долга, хӏана аьлча наха цаховш, цадовзаш дараш дукха да.
«Дакъа лоацаш мел хиннарашта баркал оал оаха тахан! Иштта пайдане бола болх дӏахо а дӏабахьа лаьрхӏа да тхо», - белгалдир хьакима.
