Эздий доацача гӏулакхех лорабала ӏомабелар Магасе
Магасерча гӏо деш барий моттиге дӏадихьар кагирхошта юкъе ийрча, эздий доаца гӏулакхаш ца даржийта ӏомабалар. Из хоам «Сердалога» бир цу моттигера.
«Эггара хьалхарча оагӏонца цига дийцар, тахан кагирхошта юкъе цу тайпара, хоза йоаца оамалаш яржара бахьанех, из хьал тоадарах. Цига белгалдир, эздий доацараш кагирхошта юкъе цадаржийтара тӏехьа цӏагӏарча даьша, ноаноша, дешара моттигашка болх лоаттабе безилга.
Иштта хьоахадир, новкъостий харжара гӏулакх а лакха терко лоаттае езарех долга. Вай къаман юкъера эздий, беркате, хоза ӏадаташ, оамалаш лораярах, хьаллацарах кагирхошца болх дӏахьош шоашта карагӏдаьннарех дийцар тоабо», - йоах тхога бенача хоамо.
«Белгалде деза, иштта йола цу оагӏонцара кхетаченаш дӏакхахьар дикка пайда беш, лоархӏаме долга, тахан латтача хана. Кагирхошта юкъера товш доацараш дӏадахара тӏехьа болх лоаттабеш хила деза вай тахан», - аьлар «Даьшкара хьакхаьчар» яхача проекта хьалха латтача Гӏулой Аминас.
