Магасе ше морг кхы йоаца 10 метр лакха мерза «гӏишло» хьалъеттар
Ардара бетта 24-ча дийнахьа 17 сахьат 20 минот яьннача хана, Гӏалгӏайчен столицо Магасо лаьрххӏа язйир ший цӏи Россе рекордий Книжка тӏа. Цу шоатта дийнахьа укхаза дӏачӏоагӏдир боккха толам баьккха ди хилар, республикан хьаьший, моттигера дукха бахархой бар цига хьажа баьхка. Цу тайпара хьалъеттар, гулбеннарий бӏаргашта гуш, дӏадахача юкъерча бӏаьшерений гӏалашта тара йола торт. Цу мерза, хоза даар лакхал 10 метр йолаш дар, из кхозза вӏаштара яьча гӏишлонга кхоачаш яр.
Из тамашийна проект кхоачашъе таро хилар - цӏихезача «Брауни» яхача кондитерске, «Бутон» яхача зизай организаце кхоллама болх вӏаший хоттарах. Из хьаллаьцар Гӏалгӏайчен культуран, туризма Министерствос, цо новкъостал дир ерригача шахьара лаьрхӏа дола цӏай вӏашагӏдолла.
Цу тайпара йоккха арт-гӏишло хьакхолла кондитерий, декораторий лакха говзал эшар, цул совгӏа инженерни хьал а дика довзаш вӏашагӏдолла дезаш дар из даар. Гулбеннараш цецбаьлар цу балха говзалах.
Из мерза гӏирс вӏашагӏболларо Гӏалгӏайчен говзанчий начӏал гойтар; цул совгӏа, республика керда проекташ хьакхолла ховш хилар чӏоагӏдир. Магасе хинна цӏай дукхача хана дагадоагӏаш хургда наха, цу исторически коталон юкъе дакъа лоацаш хиннарашта къаьстта.
