«Турпала никъ» яхача программан доакъашхошта ховр тахкара болх чакхбаьлар Магасе

Лоархӏамеча кхетаче сертификаташ дӏалуш дола гӏулакх Паччахьалкхен хьалха латтача Сластенин Владимира Мехкадаь, Паччахьалкхен Администрацена кулгал деча Мархенаькъан Анзора  тӏадиллар. Тӏема операце ветеранаша диззача шера лаьрхӏа  дешара курс чакхъяьккхар, цу юкъе дар Президентски академе программацара дешар, паччахьалкхен моттигашка балхаца дувзаденнараш шаьрдеш ха яккхар, иштта хьехамчашца болх дӏабахьар. Россе Президента чӏоагӏонца йоаржаеш йола из программа, «Турпалий ха» яхача федеральни проектацара  моттигера болх ба. Тӏема операце доакъашхошта юкъера тайп-тайпарча паччахьалкхен моттигашка къахьегаргдола нах хоржаш бола оагӏув ба из.

«Турпалий ха» яхача  программага гӏолла, Даьхен деш дола гӏулакх тахан маьршача вахарга гӏолла дӏадахьа аьттув ба СВО доакъашхой. Дог тийша ва со, цу наха ӏомадаьр, къахьега,  Даьхен хӏама лорадара тӏехьалатта, тахан мехкара хьал тоаде дикка накъадаргда аьнна», - белгалдир Сластенин Владимира. Паччахьалкхено белгалдаьчох, цу программан юкъе дакъа лаца ловш хиннараш 174 саг вар. Яхьашка массехк оагӏонца дӏабихьача балхах, СВО 7 ветеран ва дешара курс чакхъяьккха  хьахержар, иштта 32 саг программан «кадрови резерва» юкъе ва.

«Массане хьаллоацаш, программа хилар цох, ала деза тахан. Яхьий болх чӏоагӏа боккха тӏахьожам болаш, боаггӏача боараме хьаоттабаь бар. 174 сага юкъера дешара курс чакхъяьккхараш ворхӏ саг хилар, тӏатеӏӏа къахьегарца. Таханарча дийнахьа шоаш ӏомадаьр, шаьрдаьр  цхьацца моттигашка къахьегаш доаржаде кийча бола нах ба уж. Гӏалгӏай республикан, Россе декхараш дӏахо а кхоачашдеш, хургба уж кхыча оагӏонца», - аьлар Мехкадаь, Паччахьалкхен Администрацена хьалха латтача Мархенаькъан Анзора.

Белгалдечох, «Турпала ха» яхача моттигерча программах; тӏема операце доакъашхошта кердача, мехка лоархӏаме болча наькъ тӏа дӏахо къахьега аьттув луш йола  республикера  керттера проект хилар.