Магасе вӀаштӏардаьча цӀеношкара нах тӀахьех, тиша мебель контейнерашта юхе цаувттаяра
24.02.2026 16:39
Магасерча Ӏаьдало, иштта цунна чудоагӀача къахьегама доакъоша бахархой тӀахьех; йоккхийча нувхашца моттиг дӀа ма лувца, яхаш.
«Хьамсара МКД бахархой! Нувхаш чутувса аьнна оттаяь контейнераш чӀоагӀача коммунальни нувхашта мара мегаш яц. Къаьнара мебель, метташ, гӀишлош еча йиса нувхаш ма кхувса цу чу, боккъал», - йоах дехар тӀа.
Уж йоккхий нувхаш чутувсаш, контейнераш хьалъюзаш хиларах, нувхаш дӀаяхьа хала да болхлошта. Цул совгӀа, из деш вола саг административни бехктокхаме а озаргва.
