Магӏалбике коллектор тоаеш баьча балхага хьажа баха хилар единороссаш
Магӏалбике коллектор тоаеш дӏабихьача балхага хьожаш хилар «Цаӏ йолча Россе» доакъашхой. Хатар хиннача моттиге кулг тохар, боаггӏача боараме дий тохкаш хилар уж. Шахьарерча лоархӏамеча моттигашка дӏабихьача балха тӏахьожам беча партийни Къаман программага гӏолла, дӏахьош гӏулакх да из.
«Магӏалбикерча парте оагӏон секретарь Йовлой Ӏусман, иштта цу оагӏонцара кхыбола доакъашхой бар цига гулбенна. Балхага хьежа, деррига боаггӏача боараме чакхдаьккхалга белгалдир цо. Хицара кхоачамбоацараш юстардахар, бахархой хьал аттача даккхар лоархӏаме долга дийцар цар», - йоах тахан «Сердалога» «Цаӏ йолча Россе» моттигерча оагӏон зарбан болх лелаберашкара кхаьчача хоамо.
Парте викалаш дӏахо а тӏахьожам лоаттабергболаш ба Къаман программага гӏолла деча балхашта. Керттердар - бахархошта хало еш дола хӏамаш меттадоаладар, моллагӏа хатар, гаьна ца доалийташ, дӏадерзадар.
