Магӏалбике, аьтинга бетта 22-ча дийнахьа, дагалоаттама кхетаче дӏахьоргья
Магӏалбике, аьтинга бетта 22-ча дийнахьа, доаккхал а деш, баркал аларца дагабохаргба Сийлахь-боккхача Даьймехка тӏема турпалхой, иштта денал дола, бокъонаш лораерий викалаш, яхаш, дийцар «Сердало» газетага ГӏР Миннаце.
«Оршот дийнахьа, аьтинга бетта 22-гӏа ди долаш, Сийлахь-боккха Даьймехка тӏом болабенна 85 шу, шоай балха декхараш кхоачашдеш, бокъонаш лораю болхлой боабаь 22 шу дузаш хилара дагалоаттама Ди дӏахьоргда», - аьлар хоамо.
Из кхетаче хургья 2026 шера аьтинга бетта 22-ча дийнахьа 12:00 -13:00 даьлча Магӏалбик шахьара Серго цӏерагӏча культуран, салоӏама Парке.
Гӏалгӏайче даим дег чу лоаттаду денал долча турпалхошта карагӏдаьнна доккха, майра гӏулакхаш, кхерабенна юха ца боалаш, моастагӏчунна духьалъэттар уж. Иштта сий ду бокъонаш лораераеча болхлой, царна карагӏдаьннар цӏаккха а дицлургдоацаш да. Уж берригаш а, шоай мехкацара безам боккха хиларах турпала гӏулакхаш карагӏдаьнна ба, вай кхувш йоагӏача тӏехьен, юкъарлон сийрда масала долаш бахаргба даим.
