МагӀалбике кхо урам тоабергба къаман проектах
29.04.2025 13:55
Карарча шера, «Вахара хьалаш» яхача къаман проекта чубоагӀаш, кхо урам тоабергба: Бериславске, Димитрова, Юбилейни. Балха юкъедоагӀаш да наькъашка асфальт биллар, наькъа такилгаш тоадар, урамашкара сердал тоаяр, яхаш, дийцар «Сердало» газетага шахьара администраце.
Болх дӀаболабергба кастлуш, керда технологеш юкъе а йоахаш, цар тешшаме дикал йолаш дола хьалаш хьакхолла таро лургья.
