МагӀалбикера Ӏаддалхой яхьаш чакхъяьлар
ГӏалгӀайче йистеяьлар шин дийнахьа дӀахьош хинна Ӏаддалхой яхьаш, уж вӀашагӀъехкаяр «ГӀурба МагӀалбик» Комитета, шахьара кагирхоша дика хьал а лоацаш, Ид аль-Адха бусалба наьха цӀай хиларца дувзаденна, яхаш, дийцар «Сердало» газетага МагӀалбик-Шахьара кхела кулгалхочо Бекбузаранаькъан Хьусена.
Дӏадахача шоатта дийнахьа, яхьаш дӀайолаелар кхалнаха а берашта а юкъе. Ахчан тӀехьа къахьегаш хилар кхалнах. Чаккхенах гуш хилар, котъяьннар Ӏалбаканаькъан Лиана йолга. ШоллагӀча даькъ тӀа яр Овшанаькъан Роза. КхоалагӀа моттиг яьккхар Бӏарахой Заремас.
Бераша, шоаш кадай хиларца, мах бола совгӀаташ даьхар, къаьстта Ӏадсаькха комплекташ. Даькъалавийцар хьалхара моттиг яьккха Цхьорой Ӏаддал. Белхарой Махьмад, ГетагӀазанаькъан Адам шоллагӀча, кхоалагӀча моттиге бар.
Кӏирандийнахьа тамашийна хьажар хилар маӀача наха юкъе. Укхаза хьалхара моттиг а, Ӏумрат де ваха путёвка а (зӀамагӀа дола Хьажол) елар Йовлой Адама. ГӀазакханаькъан Ислама шоллагӀа моттиг яккхарах устагӀа белар. Дебаранаькъан Ӏумар чӀоагӀагӀа болча кхаьннена юкъе вар, цунна совгӀата сахьат делар.
