Магӏалбика Братски урамах керда хин турбаш чуйоахкаш латт
Магӏалбикерча Братски урамах керда хин турбаш чуйоахкаш латт. Уж балхаш де болабеннаб цига «Вахара хьалаш» яхача къаман проекта чудоагӏаш, яхаш, дийцар «Сердало» газетага шахьара мэре.
«Урам тоабергба «Вахара хьалаш» яхача къаман проекта чудоагӏаш, из хьаллоац Российски Федераце Президента Путин Владимира. Цу даькъ тӏа асфальт ӏобилла лаьрхӏад, иштта наькъа такилг дулларгда, укх заман сердал а хургья цига.
Хӏанз «Хий лоаттадар, хий дӏадахийтар Цаӏ вола оператор» яхача ГУПа говзанчаш 300 метр йӏаьха, 90 мм шера турбаш чуйоахкаш ба. Болх никъ биллале дӏахьош ба, тӏехьагӏа из бохабе безаргбоацаш», - аьлар тхоца къамаьл даьчо.
«Ший аргӏагӏа из болх дӏахьош хиларо таро лу вай заман хьалаш дола хоза, сийрда урам хьакхолла», - аьлар доал дара даькъ тӏарча администраце.
