ЖКУ оагӏонцарча декхарех дувцаш, кхетаче хилар Магӏалбике
Магӏалбикерча администрацена кулгал деча Галай Мусас дӏахьош хиннача аргӏанарча кхетаче дакъа лоацаш бар газа, тока моттигий болхлой, суда пирстопаш, иштта кхыбараш. Кхетаче дийцар ЖКХ оагӏонцара декхараш ханнахьа хьагулдарах, бокъо йоацача тайпара тока, газа моттигех дӏахоттабаларах.
«Суда пирстопаша дийцар цу оагӏонца болх дӏахьош тахан шоашта карагӏдаьннарех. Администраце кулгалхочо белгалдир, из болх боаггӏача боараме дӏакхахьа безилга, хан-ханнахьа рейдаш еш, хӏара бетта контролёраш шахьара моттигашка хьабеха безилга.
Компане офисашка дӏааха ца безаш, шоаш болх беча моттиге декхар дӏадала аьттув хургба наьха», - дийцар «Сердалога» шахьара администраце.
Цу гӏулакхо из болх аттачахьа боаккхаргба, ахча дукхагӏа оттадаьд яха къамаьлаш а лаьгӏлургда. Хьаӏайна латта кхоачамбоацараш юстардахара тӏехьа, дикка пайда бар догдоах администраце цу гӏулакхо.
