МагӀалбике рейд дӀайихьар, газах доалла декхар хьадоаккхаш
МагӀалбике рейд дӀайихьар, газах доалла декхар хьадаккха лаьрхӀа. Цун керте вар шахьара администраце кулгалхо Галай Муса. Балха тоаба чубоагӀаш бар бехктокхаме бола мэре болхлой, моттигера газа гӏулакх леладераш.
«Оаха из болх дӀахьоча юкъа гучадаьнна керттера кхоачамбоацар дар, дукхагӏча цӀеношка газ мел йоагаяьй хьагойташ дола гӀирсаш цахилар. Оаха дӀабихьар шахьара бахархошца болх, шоай ханнахьа газ йоагаярах бола Ӏаьдала мах дӀабала безилга царна хьалхадоаккхаш.
Къаьстта йола терко тӀаяхийтар кхерамзлен хаттарашта, иштта дийцар счётчик оттаяра, цӀеношка газ лелаяра бокъонаш лораяра дешаш», - аьлар «Сердало» газетага Галай Мусас.
Рейд дӀахьош хиннача доакъашхоша хьалхадаьккхар, газах декхар долларашта, цу декхара хьал аттача даккхара дикагӀа хургдар. Царех да декхар дӀадалара хьалаш хувцар, кхыдола хьалаш лахар.
