ЖКХ оагӏонцара декхар гулдеш, рейд дӏайихьар Магӏалбике
Газах, хих тӏалатташ дола декхар нахагара хьагулдеш, рейд дӏахьош хилар Магӏалбикерча администраце, водоконала, газ лоаттаеча моттига болхлой. Геттара халача хьале этта болча бахархой гӏулакх кхетаде хьожаш, дӏабихьар цар болх. Бахархошта хьалхадаьккхар, тӏалатташ дола декхар, къоастаяь латтача ханаца аьттув хиларга хьежжа, дӏатакха йиш йолга.
«Цхьаццаболча бахархоша цу дийнахьа дӏаделар хьаӏайна латта декхар, цхьабараша ахча хиларга хьежжа дӏатекхаргда шоаш аьлар. Хӏаьта тӏалатташ доккха декхар долаш, из дӏадала ловш боацарашта газ дӏахоадайир цу дийнахьа. Из болх массанахьа чакхбоалаш дӏахьоргба шахьаре», - дийцар «Сердалога» Магӏалбикерча администраце зарбан болх лелабераша.
Бахархошта хьалхадаьккхар ЖКХ оагӏонца хьаӏайна латта декхар ханнахьа дӏателаш хилар, царна шоашта аьттув болаш долга.
