Наркотикашца къовсам лоаттабеча комиссена карагӏдаьннарех дийцар Магӏалбике
Магӏалбикерча администраце наркотикашта духьала къовсам лоаттабеча комиссе кхетаче хилар. Цига гулбелар ӏаьдала болхлой, лораш, иштта кхыбола цу доккхача зулама духьала низ лоаттабераш. «МВД «Магӏалбик» яхача полице МО кулгалхо волча Иванов Е. доклад йир цига. Ший къамаьла юкъе цо дийцар, цу зулама духьала дӏабихьача балхах, гучадаьннарех, иштта дӏахо кхоачашде дезарех.
Шахьаре цу оагӏонцара хьал карарча хана мишта латт белгалдир цига. Цох лаьца къамаьл дир шахьарерча Керттерча клинически дарбанчен наркологически оагӏон фельдшер йолча Дудурганаькъан Ш. Наркологически диспансере дӏаязбаь латтараш мел нах ба, дегӏа хьал лертӏа доацаш лорашта тӏаухараш юкъерча боарамга диллача мел хул, иштта цу оагӏонцарча кхыдарех дийцар фельдшера», - хоам бир«Сердалога» шахьара администраце.
Наркотик яхача цу дохьажа духьала къовсам лоаттабеча комиссе дийцар, ше дӏабихьача балхах. Гуш дар, дешара моттигашка, юрташка ӏаьдала болхлой, дийша нах, иштта кхыбола къахьегамхой юкъе болаш, дӏакхухьача кхетаченаша пайда белга. 2026-ча шера цу оагӏонца кхоачашде дезарех дийцар кхетаче.
