СВО бӏухой бераша дакъа лоацаш, баскетболах йола яхь хилар Магӏалбике
Тӏема операце доакъашхой берашта, иштта кхыболча дешархошта юкъе баскетболах йола яхь дӏайихьар Магӏалбике. Из хоам «Сердалога» бир «Даьхен лорабой» яхача ганза мехкарча филиала кулгалхочун гӏонча йолча Джанхотанаькъан Мадинас.
«Россе низ - 2026» яхача Ерригача Россе спорта марафонага гӏолла шоай хьинар, говзал гойташ хилар тайп-тайпарча ханашка кхаьча бераш. СВО доакъашхой бераш спортаца бувзам лоаттабара тӏахьехаш йолча турнирах, цӏай де хьежар цу гӏулакха хьалхаэттараш. Чӏоагӏа раьза долаш, шоай мел бола низ ураоттабаь, лайзар бераш. Котбаьннарашта грамоташ, совгӏаташ луш дӏакъаьстар из гӏулакх», - дийцар тха газетага.
«Ветераний берашца болх лоаттабар тха гӏулакхашцара керттера декхар да. Спорте, кхоллама оагӏонца шоай начӏал чӏоагӏдеш, толамашка кхача хьожаш, къахьегар берашта тахан лоархӏаме да. Бера хана дезаденнар дӏахойодача хана а дега хьамсара хул», - дийцар тхога ганза болхлочо Коазой Хьамида.
