Магӏалбике Сийлахь-боккхача Даьймехка тӏемах бола исторически дагалоаттам бицлуц
Магӏалбика администраце кхетаче хилар, доал дара даькъ тӏарча кулгалхочунца Галай Мусайца, «Патриот» яхача тохкама тоаба кулгалхочунца, «Къонача эскара» Ерригроссийски болама моттигерча штаба керте латтача Муружанаькъан Мухьмадаца. Цар дийцар, Сийлахь-боккхача тӏема исторен дагалоаттамца дувзаденна керттера дешаш.
«Цу кхетаче иштта хьоахадир цӏихезача Российски Федераце Турпалхочо, советски лётчика Оздой Мурада леладаьча фецарча кеман гӏирс оттабарах шахьара парке, Мемориала сийлен даькъ тӏа. Из корабир тохкама балхаш дӏахьош Псковски областе, цига дакъа лоацаш хилар Муружанаькъан Мухьмад.
Галай Мусас хьаллаьцар из, хьатӏайоагӏача хана из болх дӏахьоргболаш», - аьлар «Сердало» газетага Магӏалбик-Шахьара администраце зарбан болх лелабераша.
Кхетаче дика дӏайихьар, цига гуш дар патриотически кхетам балара даькъ тӏара болх дӏабахьа уж кийча хилар.
Къамаьл чакхдоалаш Муружанаькъан Мухьмада, баркал оалаш, совгӏат делар Галай Мусайна; цо патриотически проекташ хьакхоллача дика дакъа лоацаш хиларах.
