Магӏалбике наькъаш тоадир Галай, Дзейтанаькъан урамашка
04.05.2026 15:42
Магӏалбик-Шахьара администраце кулгалхочо техкар бахархой дехараш, уж дар наькъаш тоадара доагӏаш. Бахархошкара хаттараш дера тайп-тайпарча бувзамашка, вахара оагӏонашка гӏолла. Иштта бахархошца вӏашагӏкхетар дӏахьош а дийцадар уж. Уж хаттараш, дукхагӏча даькъе, деха наькъаш тоадарца дувзаденна дар.
«Лоаццача хана, цу даькъ тӏа вӏашагӏбеллар лаьрххӏача техника болх. Говзанчаша тӏера никъ шаьрбеш, цул тӏехьагӏа гӏум-жагӏа хьоарцаш, чӏоагӏбеш болх дӏабихьар. Цо таро елар никъ шаьра а чӏоагӏа а хилийта», - аьлар «Сердало» газетага Магӏалбик-Шахьара администраце.
Тхоца къамаьл даьчо яхачох, наьха дехараш теркалдара дош керттера да администрацена, цо таро лу Магӏалбик тоаяра дола балхаш ший ханнахьа кхоачашде.
