Магӏалбике хинна хатар дӏадерзадир
26.05.2026 21:01
Магӏалбикерча Осканаькъан цӏерах болча урам тӏа хин турбаш лелхарах; лакхера никъ беха, кӏоаг хинна ӏочукхеташ, хатар хилар. Из бахьан долаш, хий дӏакъовла дезача эттар шахьаре. Цу оагӏонцара болхлой, ма хулла сихагӏа из моттиг меттайоалае гӏерташ, къахьегаш баьхкар. «Сердалога» из хоам бир Магӏалбикерча администрацена кулгал деча Боканаькъан Мухьмада.
Турбаш лийлха хий хьаахарах, кӏалхара лаьтта меттагӏдаьнна лакхера асфальт ӏочукхийттабар; боккха, кӏоарга кӏоаг бусаш.
Шахьара дас ше тӏахьожам беш дӏабихьар из болх.
Хин гӏулакх меттадоаладаь баьлча, лакхера никъ тоабеш, асфальт ӏобиллар болхлоша.
