«Зарница 2.0» яха ловзар дӏадихьар Магӏалбике
23.04.2026 10:10
Ерригача Россе тӏема-мохк безарий «Зарница 2.0» яха ловзар дӏадихьар Магӏалбике. Из хоам «Сердалога» бир «Хьалхарчар болам» яхача оагӏонца.
«Коталонга кхача гӏерташ, шоай мел бола низ ӏобилла лайзар еррига тоабаш. Тайп-тайпарча оагӏонашцара шоай говзал гойташ хилар боккхагӏбарий кхаь тоабан доакъашхой.
Зӏамагӏбарашта юкъе котало «Турпалаш06» яхача тоабанга кхаьчар. Юкъерабарашца «Акха дивизи» яха тоаба яр котало яьккхар.
Хӏаьта боккхагӏбарашта юкъе «Мохк безарашИнг» яхараш белгалбаьлар», - дийцар тха газетага.
