Магӏалбикерча №16 йолча ишколе, единороссаш хьежар кхачан дикалга
«Халкъа программа кхоачашъяра чудоагӏаш, Магӏалбикерча №16 йолча ишколе дӏайха даар лоаттадара хьал миштад хьежар. Цига дакъа лоацаш хилар «Цаӏ йола Росси» яхача парте моттигерча даькъа секретарь Йовлой ӏусман, иштта депутаташ-единороссаш.
«Берашта дикал йола кхача лоаттабар - из тха балха керттерча декхарех цаӏ да. Бераша юаш йола хӏама пайдане хиларал совгӏа, царна чаме хеташ хила еза», - аьлар «Сердало» газетага Йовлой ӏусмана.
Парте викалаш хьежар берашта кхача лоаттабара болча берригача балхага - кхачан продукташ лелаяр, цӏенала боарам лелабар, даар кийчдар цу юкъе а долаш. Доакъашхоша чам баьккхар даарах, из хила дезача боараме дий хьежар.
Балха чаккхе еш белгалдир, цу ишколе беррига болх нийса вӏашагӏбелла хилар. Даар кийчдарца, кхерамзлен гӏулакхаца кхоачамбоацараш кораданзар, даар лакхача боарам тӏа кийчдаь дар.
