ГӏалгӀайчен МагӀалбика кхале дийцар лоархӀаме дешаш
МагӀалбика кхален администраце хӀара кӀира дӀахьош йола кхетаче хилар, доал дара даькъ тӀарча кулгалхошца, иштта цунна чуйоагӀача урхаллений викалашца. Кхетаче дӀахьош цхьацца дола хаттараш техкар.
«Цига дийца керттера дош дар эскаре тӀахьехара йола компани дӀаяхьар. Кхетачен доакъашхоша белгалдир тӀахьехаш барашца, цар дезалашца бувзам лелабе безаш хилар», - аьлар хоамо.
ЛаьрххӀа йола терко тӀаяхийтар, кхален даькъ тӀарча хьала. Чоалхане хьал этта моттиг нийслойя, кийча хилара Ӏалашо яь хила еза, аьнна, белгалдир. Иштта дийцар тайп-тайпара гӏишлош каьхат долаш, цунца чӏоагӏъяь хила езилга. Уж дӏаязъяра болх тӀабиллар доал деча даькъ тӀарча кулгалхошта, бокъо луш дола каьхаташ доахаш наха новкъостал де дезилга хьоахадир.
Дӏахо дийцар йоал яккхара даькъ тӀара болх тоабе безарах, нахаца из хьал дикагӀа довзийташ, нахаца болх бе безарах.
Массаза санна керттерча гӀулакхех да доазонаш тоадар. Юрташкарча администрацей кулгалхошта хоамий болх нахаца дӀабахьа декхар тӏадиллар, дукхагӀа наха кхадж тоссаргбола, терко е еза моттигаш хьахоржаш.
Кхетаче чакхйоалаш, хьалхашка оттадаь декхар кхоачашде деза ха хоадайир.
