«Хьалхарчар болам» яхача оагӏон балхах дийцар Магӏалбика кхале
«Хьалхарчар болам» яхача берий, кагирхой Ерригача Россе оагӏоно дӏабихьача балхах дувцаш, кхетаче дӏайихьар Магӏалбика кхален администраце. Кхален администрацена кулгал деш волча Къоастой ӏаддал-Хьамида кулгал деш, дӏайихьар кхетаче. Бӏарчча шера кхоачашде аьттув баьннараш белгалдир цига.
«Укх шера карагӏдаьннараш кӏезига дац. Оагӏон моттигаш хьайийллай Инаркъе, Йоккхача Ачалкхе, иштта берий бешамашка. Цу юкъе я «Лейсана» яха Юкъерча Ачалкхера берий беш. Даьхенцара безам чӏоагӏбарах йолча проекташка гӏолла дӏабихьача балхах дийцар кхетаче, иштта дегӏа могашал эшаенна бераш дешаш долча моттиге ялх ишколо дакъа лоацаш дӏадихьача концертах, СВО доакъашхошца, лорашца, энергетикашца дӏакхихьача «Классерча кхетаченех».
Дикача гӏулакхий кӏир» яхача боламга гӏолла ха яха нах, тӏема доакъашхой болча ихар бераш, иштта «Лорае хьунаш» яха беркате гӏулакх доаржадеш ишкола коа гаьнаш дӏаегӏар», - дийцар «Сердалога» Магӏалбика кхален администраце зарбан болх лелабераша.
Къоастой ӏаддал-Хьамида белгалдир, цу оагӏонцара болх мехка лоархӏаме болга, «Хьалхарчар болам» яхар къонача тӏехьено дуккха дикаш доаржаде йиш йола моттиг йолга. Хӏара бера цхьацца хӏама де, къаман вахаре пайдане хила аьттув хургболча тайпара оттабаь хила беза цу оагӏонцара болх.
