Дзюдох йола яхь дӏайихьар Магӏалбика кхале
Кхален спорткомитета вӏашагӏъелла, дзюдох йола яхь дӏайихьар Йоккхача Ачалкхерча ФОКе. «Спорт терроризма духьала я» яхача программага гӏолла дӏахьош хиннача яхьашка дакъа лаца гулбеннабар хӏетта кхийна атлеташ, иштта дикка гаьнабаьнна спортсменаш. Лоархӏаме хьаьший болаш, баьхкабар цига Илезанаькъан Микаил, Хамченаькъан Бек-хан.
«Яхьашка шоай говзл гойташ хилар 102 спортсмен. Массане дог айдеш, яхьаш хилар царех, хӏаравар ше-ше котвала гӏерташ, чӏоагӏа къовсавелар цига. Турнирага хьажа баьхка хиннача хьаьшаша белгалдир, вай кигархошта юкъе спорт йоаржаяр экстремизм яхача зулама уж гаьнабоахаш долга. Ма хулла дукхагӏа кагирхой, бераш спорта тӏахьехар чӏоагӏа лоархӏаме да», - дийцар «Сердалога» Магӏалбика кхален администраце зарбан болх лелабераша.
Зулама, воча оамалашта духьала массахана пайда боаржабеш хиннай спорт. Берригаш раьза болаш дӏаяхар цу дийнахьара яхьаш.
Котбаьннараш совгӏаташца белгалбеш, массанена баркал кхайкадеш чакхдаьлар из гӏулакх.
