Магӏалбика кхален моттигашка, кхетаченаш дӏакхухь бахархоша
Соагӏапча, Дола-Коа бахача наха кхетаченаш дӏахьош, болх хилар. Цига дакъа лоацаш бар Магӏалбика кхален кулгалхочун гӏонча Мержой Исраил, администраце болхлой, Халкъа Гуллама депутат вола Баркинхой Ахьмад, тӏема комиссариата доакъашхой.
«Кхетаче дийцарашта юкъе керттера моттиг дӏалоацаш хилар «Радар. НФ» мобильни оагӏув. Юртахошта хьалхадаьккхар цу оагӏонца мишта болх бе беза. Цу оагӏонга гӏолла моллагӏа тешаме доаца хӏама е саг чувоацаш гӏетташ лела гӏирсаш зийча, хоам бе аьттув ба бахархой. Цу балхах болча говзанчаша белгалдир, «Радар.НФ» яхача оагӏонга гӏолла мичахьа фу хиннад сихагӏа ха йиш йолга», - дийцар администраце болхлоша. Иштта кхетаче дийцар тахан юрташка эшачарех.
Къаьстта йоккха терко йир ЖКХ оагӏонцара декхар ханнахьа дӏадалара. Тӏалатташ дола декхар ханнахьа дӏалуш ца хилча, болх а боаггӏача боараме дӏа ца бодилга белгалдир цига. Из кхетадеш хила беза тахан бахархой, хӏана аьлча вай массане юкъара гӏулакх да из. Гулбеннараша хьоахадир бӏаьстан хана эскаре тӏабехара гӏулакх а. Укх шера цу оагӏонца хиннача хувцамех дийцар тӏема комиссариата болхлоша. Эскаре вахар дӏатӏаэцарца, лорашка чакхваларца, иштта кхыдарашца дувзаденна хувцамаш да цу гӏулакха юкъе.
Бахархой хаттараш доашхаш, къамаьл дир комиссариатера баьхкараша. Белгалде деза, хьакимашта, бахархошта юкъе бувзам хилар дикка пайда беш долга. Моллагӏа хаттар тахка, цаховр довза йиш я ишттача моттиге.
