Лаьтташ декъаш латт яхар, бух боаца къамаьл долга белгалдир Магӏалбика администраце
Соагӏапчеи, Магӏалбики, Насареи вӏаший хоттача наькъа кхален моттигашка лаьттан доазош дӏадекъаш латт, яхаш, интернета оагӏонашка гӏолла даьржа къамаьл бух боацаш долга белгалдир Магӏалбика кхален администраце.
«Магӏалбика кхален администраце болхлоша яхачох, из хоам дер дайнараша боаржабаь ба. Цу моттигера лаьтташ дӏадекъаш хӏама дац е хиннадац. Бахархошка дехар ду, малашб ца ховча наха интернете гӏолла доаржадеча къамаьлех ма теша, яхаш. Моллагӏа цу оагӏонцара болх дӏахьош хӏама хилча, боаггӏача боараме бахархошта юкъе боаржаберга из хоам», - дийцар «Сердалога» администраце зарбан болх лелабераша.
Магӏалбика кхалерча хьакимаша хьалхадоаккх бахархошта, бакъдоаца хоамаш доаржадеш, нах корзагӏбоахаш лелараш бехктокхаме озаргболга. Лаьттанца дувзаденна моллагӏа гӏулакх, республике латтача Российски Федерацен цу оагӏонцарча бокъонга гӏолла дӏахьош хургда.
