Кхувш боагӏарий гӏулакхех йолча кхело кхетаче дӏайихьар Магӏалбике
28.03.2026 21:59
Барайтта шерга кхачанза долча берий гӏулакхех, бокъонех йолча кхела кхетаче дӏайихьар Магӏалбика кхален администраце, Иленаькъан Зейнапа кулгал деш. Кхувш доагӏача берашта юкъерча кхоачамбоацарех, халача хьале болча дезалий гӏулакхех дийцар гулбеннараша.
«Барайтта шу даланза долча бараша паспорт ханнахьа хьацаэцарах, иштта бахача моттиге дӏаязбаь цахиларах дийцар цига. Хӏара моттиг тохкаш болх дӏахьо, аьнна, тӏадиллар кхетаче. Берий бокъонаш лораяра тӏехьа терко, тӏахьожам лоаттабе безилга белгалдир хьакимаша», - дийцар «Сердалога» цу моттигера.
Иленаькъан Зейнапа белгалдир, барайтта шерга кхачанза болчар гӏулакхех йолча кхела хьалхашкара керттера декхар: берий бокъонаш, кхерамзлен хьал лорадар, цар оагӏув хьаллацар.
