Магӏалбика кхале истола тӏарча теннисах яхьаш хилар
Магӏалбика кхале, Инаркъерча №12 йолча ишкола даькъ тӏа, истола тӏарча теннисах яхьаш дӏайихьар. Цу кхетачене дакъа лоацаш бар дерригача доал деча даькъ тӏарча дешара моттигий къона спортсменаш. Дукхача берашта цох дика таро хилар спортивни даькъ тӏа шоашта карагӏдоалар гойта. Уж яхьаш дӏахьош хиннача ерригача хана; уж дог гӏоздаьнна, раьза болаш бар, новкъосташа а хьаллаьцар.
«Яхьаш вӏашагӏъехкараш бар Магӏалбика кхален «Спорткомитет-сполртивни ишкол» МКУ, кхален дешара урхалле.
Чаккхе еш белгалдаьлар моттигаш яхара хьал: 1-ра моттиг яьккхар - №12 йолча юкъерча ишколо, 2-гӏа моттиг - №6 йолча юкъерча ишколо, 3-гӏа моттиг - №23 йола юкъерча ишколо, иштта №4 йола юкъера ишкола, 4-гӏа моттиг - №18 йолча ООШ. Цу къовсамо вӏашагӏтехар кхален чӏоагӏагӏа йола тоабаш, иштта къонача спортсменашта юкъера бувзам чӏоагӏбир», - аьлар «Сердало» газетага Магӏалбика кхален администраце зарбан болх лелабераша.
Къовсамий чаккхе еш, котбаьннарашта совгӏаташ делар.
