Лийца баьхка нах вахаре дӏанийсбе гӏерташ, болх беш ба Магӏалбика кхале
23.04.2026 16:07
Террористически оагӏонцара зулам бахьан долаш, набахта баьхкача бахархошца болх дӏахьош ба Магӏалбика кхале. Шийна теха ха текха цӏавенача сагаца кхетаче хилар цига. Дакъа лоацаш хиннараш бар терроризм яхача доккхача зулама духьала болх лоаттабеча оагӏон кулгалхо Джамболатанаькъан Мухьмад, администраце кулгалхо, полице болхло.
«Кхетаче дийцар терроризм, экстремизм яхача зулама духьале лоаттаярах, лаьца ваьллар нийсача наькъ тӏа волаш дӏавахарах. Иштта цига белгалдир балхаца, наха юкъерча бувзамца дувзаденнараш», - аьлар «Сердалога» Магӏалбика кхален администраце.
Цу оагӏонцара болх кхален моттигашка хан-ханнахьа дӏакхухьаш ба. Наха юкъе зуламаш доаржадара духьала къовсам лоаттабар керттерча гӏулакхе да тахан мехка.
