Бахархоша тӏаденача хаттарашка ладийгӏар Илдарха-Гӏалий тӏарча мэре
04.02.2026 12:00
Бахархошта къувлараш тохкаш, кхетаче дӏайихьар Илдарха-Гӏалий тӏа, шахьара дас кулгал деш.
«Бахархоша тӏакхихьараш тайп-тайпара оагӏонаш чулоацаш дар. Хӏаьтта эггара чӏоагӏагӏа бахархошта дагадоахкараш лаьттан доазонца, харцар кхерам болаш долча цӏеношкара кердача фусамашка дӏачубахийтарца дувзаденна дар. Иштта кхетаче дийцар шахьара моттигашка кулг тохарах, наькъаш тоадарах, вӏаштӏара даьча цӏеношта терко ярах, хий чудуллаш толхадаь наькъаш тоадарах», - дийцар тхога мэре.
Шахьара дас ше тӏахьожам беш чакхдоахаргдолаш да царна юкъера цхьаццадараш, хӏаьта кхыдола гӏулакхаш кхоачашде аьнна ший болхлошта тӏадиллар цо.
