ГӏалгӀайчен хьурмата Министерствос дийцар, дӀадахача шера баьча балхах
ГӏалгӀайчен хьурмата оагӏув дегӀакхувлача Министерстве 2025 шера баьча балхах дийцар, яхаш, хоам бу «Сердало» газетага ГӀР Паччахьалкхен зарбан болх лелабераша.
«Кхетаче дакъа лоацаш хилар республикан Паччахьалкхен кулгалхочун заместитель Кокурхой Адам, ГӏалгӀайчен Кулгалхочун гӏонча Фурсов Олег, иштта цунна чудоагӀача боахамий кулгалхой»,- аьлар хоамо.
Цига къамаьл дир хьурмата оагӏув дегӀакхувлара министра Гиренаькъан Исроапила. Толамаш даьха хилар белгалдир промышленни даькъ тӀа +9,2% процент, юртбоахама даькъ тӀа +2,6%, иштта мах бара даькъ тӀа +5,4%. Эггара лоархӀаме да мехкара балхазал 5,6% кхоачаш лохдаь хилар.
Инвестицеш юкъеяхара хьал - 14,8 млрд сом да, бюджетера доацаш, иштта юкъейоахаш я туризма, ГӀР агропромышленни комплекса йоккхий проекташ.
Цул совгӀа, «саготагӏа йола» проекташ я кхоачашъеш 23 млрд сома, хьакхолла лерхӀ 1000 балха моттиг.
