Дешара, ӏилман Министерствос даькъалайийцар олимпиаде котъяьннар
Гӏалгӏайчен дешара, ӏилман министра Цхьорой Ахьмад-Башира кхетаче дӏайихьар; авиаце, феца лелара исторе А. Ф. Можайске цӏерагӏча халкъашта юкъера олимпиада дӏахьош котъяьнна дешархо Маматанаькъан Фатима даькъалаювцаш. Цига иштта хилар йиӏига нана, цун ӏилман кулгалхо. Цхьорой Ахьмад-Башира Фатима даькъалайийцар цу толамца, цо белгалдир, цу тайпарча халкъашта юкъерча боараме дӏахьош йолча олимпиаде котало яккхар, из цун ший толам баккхар хинна ӏац, из ба ерригача республикан толам.
«Министра белгалдир, цу тайпара котало - из начӏал хинна а ца ӏеш, дукха баь болх ба; хьехамчаш а, дай а хилар цу юкъе къахьегаш», - аьлар «Сердало» газетага республикан дешара, ӏилман Министерстве.
Кхетаче дӏахьош, Фатимай яхьах, цун дӏахо дӏадахьа дезача дешарах дийцар. Региональни дешара, ӏилма боахама кулгалхочо ловца баьккхар цунна, лаьрхӏача лакхаленашка кхачар ловш.
Кхувш йоагӏача тӏехьен, истори, ӏилма, технологеш йовзара безам совбоаккхаш хилар лоархӏаме да. А.Ф.Можайский санна болча тохкамхой масалаша хьагойт, доккхий гӏулакхаш хьакхоллаш хилара бахьан; майра, лаьрхӏачунга кхоачаш хилар долга. Цо хьаллоац дешархой, студенташ инженераш, ӏилман даькъ тӏа, шоашта карагӏдоалар фуд хара.
Иштта хьалкхув хургбола ӏилма дийша нах, царна карагӏдоал паччахьалкхен технологический таронаш ӏалашъе.
