Дзюдоиста Оздой Руслана къахьегам теркалбир спорта министерствос
09.03.2026 08:07
Спорта гӏулакхех йолча министерстве терко йир, хьинаре къахьегаш волча дзюдоиста Оздой Руслана. Лакха говзал йола спортсмен совгӏаташца белгалвир. «Министра Белхарой Руслана Россе спорта говзанча волга тешал деш бола гӏирс, удостоверени делар цунна.
«Ленинградски областерча губернатора Кубок» яхача дзюдох йолча яхьашка котало яьккхар вай мехкахочо. Дӏахойодача хана а республиканна иштта толамаш кхахьа, вай мохк дӏабовзийташ къахьега даькъалавийцар из министра»,- йоах тхога бенача хоамо.
Хьалхагӏа тха газето хоам баьбар, 23 шерга кхаьчача спортсмений Россе яхьашка вай мехкахочо «дотув» даьккхад, аьнна, иштта Россе кагирхой яхьашка а дикка белгалваьннавар из.
