Гӏалгӏайчен МКЖР болх беш ба, СВО турпалхошта хетабаь гойтам
Гӏалгӏайчен къам мехкахдаккхарах болча дагалоаттама Мемориале болх беш ба «Турпалча ноахала никъ» яха суртий гойтам. Цо тӏахьех, лора а беш, вай тӏехьенна дагалоаттабара Донбасс лораеш, Россе лаьрххӏа йола операци дӏахьош болча доакъашхошца бувзабенна дагалоаттам. Цу историко-документальни проекто хьаелл кердача исторе турпала оагӏонаш.
«Гойтаме дакъа лоацарий таро хургья; денал, майрал гойташ; эггара халагӏча хьалашка моастагӏчунна духьалъэттача бӏухой сурташ го, иштта цар истори довза. Къаьстта йола терко тӏайохийт СВО Гӏалгӏайчен бӏухошта карагӏдаьнначунна, цар турпала гӏулакхашта.
Уж ба лакха Россе Турпал яха цӏераш, иштта кхыдола паччахьалкхен совгӏаташ денна бӏухой. Лаьрххӏача операце доакъашхой дезал, иштта СВО доакъашхой шоаш таро йолаш ба музея гойтамга хьажа», - аьлар «Сердало» газетага Гӏалгӏайчен МКЖР.
«Турпалча ноахала никъ» яха гойтам - из исторецара дийна къамаьл да. Хӏара сага цига гургда, итташ шерашка мах болаш лоархӏаш дола хӏамаш - сий, декхар, Даьхенна тешаме хилар. Цар тӏахьех дагабоагӏаш хилара вайна хьалха дӏабахарий турпала никъ.
