Гӏалгӏайчен МКЖР болх беш ба СВО мехкахошта-турпалхошта хетабаь гойтам
Гӏалгӏайчен къам мехкахдаккхара дагалоаттама Мемориальни комплексе ший болх дӏахохьош ба «Ноахала турпала никъ» яха суртий, каьхатий гойтам. Из хетабаьб вай мехкахошта - денал долча бӏухошта, лаьрххӏача операце дакъа лоацаш болча денал долча бӏухошта. Цо гойт дӏаяхача ханашкарчеи таханарчеи Даьхен бӏухошта, турпалхошта карагӏдаьнначун башхало.
«Цига хьажа хьабоагӏача наьха таро я эггара халагӏча тӏема даькъ тӏа шоай денал, майрал гойтарий сурташ, каьхаташ го. Къаьстта терко тӏаяхийтар гойтаме биографически материалашта. Уж я Гӏалгӏайчен бӏухой бувцаш, царна карагӏдаьнна доккхий тӏема гӏулакхаш гойташ. Уж ба Россе Турпалхо яха цӏераш лелаю, кхыдола совгӏаташ денна бӏухой», - аьлар «Сердало» газетага гойтам вӏашагӏбеллараша.
«Ноахала турпала никъ» яха гойтам, тахан шоай са ца кходеш, моастагӏчунна духьаллаттача вай бӏухой дагалоаттама вӏашагӏбеллаб. Цо тӏахьех, уж бӏухой биц ца беш, цар лерхӏам беш вай дахара.
