Палестинера бехача наха эрсий мотт ӏомабу, мехкарча Кагирхой керттерча моттиге
01.08.2026 00:54
Мехкарча Кагирхой керттерча моттиге эрсий мотт ӏомабеш ба тахан Палестинера беха, вай мехка кхаьча нах. Мах бала ца безаш, урок яр цига царца дӏахьош. Белгалде деза, шоай мехках баьнна вайна юкъе нийсбеннача цу мискашта из чӏоагӏа лоархӏаме долга.
«Берригаш раьза болаш, чӏоагӏа хоза дӏайолхаш урокаш я уж тахан. Къамаьл дувца, кӏалхарча нахаца доттагӏал тасса ӏомабу палестинцаш. Цхьа шуи ах шуи да из болх вай мехка дӏахьош бола. Царна лела, моллагӏа хӏама хатта, тахка аттагӏа хургдолаш; дӏакхухьаш урокаш я уж», - дийцар «Сердалога» Кагирхой моттиге.
Кхыча къаман юкъе ваха хала да, цун мотт ховш ца хилча, цудухьа чӏоагӏа лоархӏаме да эрсий меттацара курсаш хилар, хӏаьта мах бала ца безаш хиларо а дикка аттача доаккх цу наьха хьал.
