Гӏалгӏайчен кагирхой центре кхетаче хилар Роскагирхой кхелахошца.Гранташ
Гӏалгӏайчен кагирхой цхьанкхетарий Цӏагӏа гулбелар вахара проектий новкъосталца дунен тӏара хьал дикача оагӏорахьа хувца лаьрхӏараш. Майдан тӏа царга хьежаш бар хьалхале лелаю кхелахой. Моттигерча программанна керте латта Бузуртанаькъан Муса, Роскагирхой.Грантий викал Гӏалменаькъан Саӏид хьаьшашта пайда луш йола инсайташ йовзийташ хилар.
Кхетаче дӏахьош кагирхошта дайзар керттердар, шоашта дагадехар проекта чудоагӏаш мишта дергда, из проект мишта маьхалйоаккхаргья. Саӏида, Мусас дийцар грант яккхара дехар мишта чудала деза, цига малагӏа хьалаш хила деза, проекташта мах оттабеча хана эксперташа терко тӏайохийтар фуд, малагӏа къайленаш я дика а чӏоагӏа а лоархӏараш. Хьаьшаша къаьстта терко тӏаяхийтар вахара хаттараш кхоачашдеча дика дакъа лоацаш хила везара. Проект - из духхьал дукха кхетаченаш хилар дац, из да юкъарлоно дӏадехарашта хоадам боллаш жоп далар- наха новкъостал дар, шахьарера хьал тоадар, культура дегӏайоалаяр, кагирхой хьаллацар, иштта кхы дуккхадар. Къаьстта цу тайпара хул республиканна пайда бе дагадехар», - аьлар «Сердало» газетага кхетаче вӏашагӏъеллараша.
Къамаьл хьаэца хӏама долаш дар. Бераша дехараш оттадеча юкъегӏолла шоай хаттараш лора, шоашта хетар, дагалаттар дувцар. Дуккханешта из кхетаче шоай дагардар кхоачашдара боаккхаш бола хьалхара гӏа бар.
