СВО бӏухой хьаллаьцар мехкарча МВД
06.02.2026 08:46
Тӏема операце аренашка лелача вай бӏухошта эшар кийчдеш дакъа лаьцар мехкарча МВД болхлоша. «Къаман фронт. Деррига а котало бахьан» яхача оагӏоно дӏахьош бар из болх. «Сердалога» из хоам бир Ерригача Россе къаман фронта моттигерча оагӏоно.
«Тӏема аренашка лоархӏаме да хӏарадар. Эшаш йоаца хӏамаш яц укх юкъе, деррига а халача моттигашка латтача вай бӏухошта накъадаргдолаш да. Генератораш, рацеш, хьулабеш дола цхаралаш, бензохерхаш, тепловизора плащаш, иштта шелала духьала эшараш да цу юкъе.
Тахан царна геттара эшаш да из деррига», - дийцар тха газетага. Юкъарлон оагӏонцара доакъашхой арабаьннаб наькъа. Запорожски областе хургья хӏамаш, дукха ца говш.
