Гӏалгӏайчен Къаман библиотеке дийцар, балха оттача хана таьрахьаша малагӏа декхараш кхоачашду
Гӏалгӏайчен Янданаькъан Жамалда цӏерагӏча Къаман библиотеке кхетаче дӏайихьар таьрахьашца дегӏаахара Академе. Хьаьшаша дийцар гулбеннарашта, таьрахьий керда таронаш йовзаш хиларо болх сихагӏа лаха новкъостал деш хиларах. Лекцега ладувгӏа баьхкар российски вуза студенташ, аьхки салоӏараш, массаза библиотеке книжкаш деша ухараш, иштта дешареи культурани даькъ тӏара говзанчаш.
«Таьрахьашца дегӏаахара Академе воккхагӏа вола комьюнити-менеджера Хамхой ӏумара белгалдир, болх лоаттабераша дипломал чӏоагӏагӏа таьрахьий кӏийле йовзаш хилар лакхагӏа лоархӏ, хӏана аьлча уж таханарча профессешка дукхагӏа эшаш да.
Кхетачен чудоагӏаш, Академе проектий кулгалхочо ӏоахарганаькъан Дале йовзийтар дешара программаш, уж вӏашагӏъехка я «нийсачо ӏомаду нийсадар» яхача маӏанах», - аьлар «Сердало» газетага Гӏалгӏайчен Къаман библиотеке.
ИТ-декхараш тахан лоархӏаме хиларах, балха тӏа лакхвалар а кхыча тайпара оттадеш хила таро я. Цудухьа цига йийца дешаш, балха оагӏонаш, хӏара болх лохаш волча сага лоархӏаме яр. Таьрахьий кердадараш цадовзаро ха а йоаю дуккха дукхагӏа, чоалхане доаца хӏамаш къестадеча; цул совгӏа, балха даькъ тӏа башха яхьеваьнна къахьега ховш хилац уж хӏамаш ца довза саг.
