Дешархошта лаьрхӏа бокъонех болча кхетама сахьат хилар къаман библиотеке
Дегӏа зе деш йолча хӏамашта духьалара кхетаче дӏаяхьа гулбелар, вай мехкарча къаман библиотеке. Шолжа-Шахьарерча № 5 йолча ишколера дешархой бар дакъа лоацаш хиннараш. «Чагенаькъан Залинас берашта дийцар тайп-тайпарча сага сакхетам кегабеш йолча хӏамаша къонача дегӏа унахцӏенонна мел доаккха зе ду.
Иштта дола дохьаж леладар, цунца бувзам хилар, из доаржадар ӏаьдало бехктокхаме озаш долга белгалдир цига. Къонабарашта хьалхадаьккхар, унахцӏено лорае езилга, воча оамалашка, бӏеха хӏама доаржаде гӏертарашка ше кегавайта йиш йоацилга», - дийцар «Сердалога» библиотека зарбан болх лелабераша.
Берашта гойтар насвай, снюс яхача дохьажаца бувзам лелабаьраш малагӏча хьале ба хьокхаш йола видеоролик. Из мел доккха во да, дегӏа цу хӏамаша дер мел доккха зулам да кхетадир бераша, цунга хьажачул тӏехьагӏа. Дешархошкара хӏара хаттар доашхаш, нийсача наькъа уж тӏахьехаш дола къамаьл деш дӏаяхар кхетаче.
