СВО доакъашхой бола лораш даькъалабийцар Наьсаре
Тӏема лора Ди дездеча хана; лоархӏаме, доккха декхараш кхоачашдеш лаьтта лораш даькъалабувцаш хилар «Цаӏ йола Росси» яхача парте викалаш. Баркал оалача каьхаташца белгалбир Шолжа-Шахьарерча дарбанчера реаниматолог-анестезиолог Цӏечой Мурад, берий лор Албохчанаькъан Лолита. Уж шаккха лор тӏема аренашка российски бӏухошта дарба деш, лакха денал, майрал гойта ба.
«Лора болх чӏоагӏа сабар, фийла хилар, къахьетаме хилар эшаш ба. Цхьайолча моттигашка ший мел бола низ, денал, говзал ураоттае езаш хул лор, деррига а миноташца лоархӏача хана. Цӏечой Мурада, Албохчанаькъан Лолитас массанена дӏагойтар из деррига къамаьлаца доацаш, гӏулакхашца кхоачашде шоаш кийча болга. Эггара чӏоагӏагӏа гӏо эшачарна дарба деш хилар уж халача моттигашка. Тахан доккха баркал кхайкаде лов царна, болх дика дӏабахьарал совгӏа, майралца, деналца белгалбаларах! Унахоех дог лазаш, шоай гӏулакх лакха лоархӏаш нах шоаш болга бӏаргадайтар цар тахан», - дийцар «Сердалога» «Цаӏ йолча Россе» моттигерча политически кхела президиума доакъашхо, парте Наьсарерча оагӏон секретарь волча Бохтаранаькъан Ювсапа.
Белгалде деза, СВО аренашка къахьегаш болча лорашта хьалхашка латтараш, дийца варгвоацаш, чоалхане декхараш долга. Иштта халача моттигашка болх дӏахьочар хам баь даргдац вай тахан, хӏана аьлча доккха денал, майрал, сабар эшаш да из. Вай лорий низ кхаьчаб, иштта шоаш дӏабовзийта!
