Наьсарерча дарбанчен юхера машинаш лоаттаю моттиг дикка дӏашеръеш латт
09.02.2026 11:32
Республикан дарбанчен юхера машинаш ӏоувттаю моттиг дикка дӏашеръеш латт. «Сердалога» из хоам бир мэре болхлоша. Шахьарера хьакимаш хьалххе баха хьежабар цу доазонга.
«ЦАО администраце ший болх дӏаболабаьб. Кӏоагаш дӏадикъа, бордюраш оттаяь къахьегаргда цига. Машинашта лаьрхӏа йола шаккха моттиг дикка паргӏатагӏа хургья, хувцамаш даьчул тӏехьагӏа.
Иштта керда гӏашлой никъ буллаш, гаьнаш, зизаш дӏадогӏаш къахьегаргда цига», - йоах тхога бенача хоамо. Из моттиг массахана дукха адам гуллуш я. Цунга хьежжа, бахархошта дикка паргӏато еш хургда уж хувцамаш.
