Наьсарера хин турбаш тоае арабаьннаб болхлой
24.04.2026 11:03
Цхьацца моттигаш тоаеш, боккха болх ба Наьсаре дӏахьошбар, бӏаьстен денош хьаэттача денз. Из хоам «Сердалога» бир мэре зарбан болх лелабераша.
«Тӏонганаькъан цӏерах болча урамера шоаш дуаргдар диа яьнна мукхйиа турбаш хувцаш боахк тахан. Дукха ха яр хин турбаш хувца езача хьале кхаьча. Шахьара администраце, хин оагӏонцарча Цаӏ волча оператора соцам баь, дӏахьош болх ба из», - йоах тхога бенача хоамо.
400 метрага кхоачаш йола турбаш я тахан хувцаш латтараш. Царна когаметта дикагӏа лоархӏа, сомал дукхагӏа дола турбаш чуйоахкаш латт.
Боаггӏача боараме хий, газ, ток хилар хӏара сага вахаре лоархӏамеча гӏулакхех да, цунга хьежжа шахьара моттигашкара кхоачамбоацараш юстардахара тӏехьа ма хулла къахьегаш ба мэре.
