Наьсаре дӏахьоргья «Дезала йизза могашал» яха кхетаче
2026 шера бекарга бетта 16-ча дийнахьа, Наьсарерча Перинатальни центре дӏахьоргья «Дезала йизза могашал» яха Ерригроссийски Хӏ ӏилман-практически конференци, яхаш, дийцар «Сердало» газетага республикан унахцӏенон министерстве.
«Цу кхетачено вӏашагӏтох хьалхале лелаю говзанчаш, бераш дара даькъ тӏара лорий хьал дувцара. Программа чуйоагӏа докладаш, укх заман дарба дарах дола профессиональни хьехамаш, берах хилара, бер цахилара хаттараш, онкологи хиларах лоравалар, берах хиларга кийчо яр. Конференци дӏахьоргья укх адресах: Наьсарен-Шахьар, Бакински урам, 79 (перинатальни центра конференц-зал).
Доакъашхой дӏаязбергба 09:00 сахьат даьлча денз 10:00 сахьатага кхаччалца, конференци дӏайолалу - 10:00 даьлча.
Дакъа лаца бех акушераш-гинекологаш, урологаш, андрологаш, онкологаш, юкъарча практикан лораш, ординатораш, студенташ, иштта безам бола говзанчаш», - аьлар лорий хоамо.
Кхетаче дӏахьош хилара керттера бахьан да - хӏара дезал могаш хилар, фусамашкара бераш дара хьал тоадар, уж цох гӏадболхаш хилийтар.
Из кхетаче дӏахьораш раьза ба цига берригаш го, шоайла балха говзал эца, даим профессиональни дегӏабоагӏаш хила.
