СКФО ММА Чемпионат, халхале яккхара яхьаш дӏайихьар Наьсаре
Спортацара йоккха кхетаче дӏайихьар вай мехка. СКФО ММА латарах йолча яхьашка толашагӏа бола латархой белгалбир. Вай мехкара 150 спортсмен, иштта лоалаха ядача моттигашкара латархой бар яхье дакъа лоацаш. Вай мехкарча тоабо 11 майдилг яьккхар цига. Эстамаранаькъан Хьамзат (70,3 кг), Бохтаранаькъан Анзор (52,2 кг) котбаьлар. Кхерийнаькъан Кхийре ( 65,8 кг), Патанаькъан Зоврбика (56,7 кг) шоллагӏча моттиге эттар.
Кхоалагӏча лагӏа тӏа баьнна, борза майдилгаш йоахаш, белгалбаьлар Иленаькъан Аюп-Ансари (52,2 кг), Дудурганаькъан Алисхан (77,1 кг), Дидиганаькъан ӏамархан (120,2 кг), Ужахьанаькъан Заьлмаха (70,3 кг), Овшанаькъан Ислам (77,1 кг), Чаненаькъан Мухьмад-Амин (70, 3 кг), Йовлой Азамат (70, 3 кг). СКФО яхьашка эггара толашагӏа я, аьнна, белгалйир Селий мехкара тоаба, шоллагӏа моттиг Нохчий Республиканна кхаьчар.
СКФО Чемпионате (боккхагӏбараш) толашагӏа ба аьнна къоастабир Нохчий мехкара спортсменаш, шоллагӏа моттиг селашта елар, хӏаьта кхоалагӏча моттиге Ставрополь хилар. Моттигерча Минспорте белгалдир, Къилбаседа Кавказе ММА оала латар дикка даьржа долга.
