Наьсаре къовсам лоаттабу наркоманеца, экстремизмаца
Гӏалгӏай Республикан кагирхой гӏулакха йолча Комитето къовсам лоаттабу наркоманеца, экстремизма наькъаца. Цу даькъ тӏа мехка «Кхетам» яхача Юкъарлон гӏалгӏай даькъо дукха болх баьб, цу тайпара аргӏанара кхетаче хилар Наьсарерча электроникан, социологе колледже.
«Хьаьшаша белгалдир кагирхошта ховргдолаш, наркотиках хьадоала зулам мел доккха да, уж йоаржаярах бехктокхаме хилар, цар иштта дийцар могаеш йоаца молхаш наха юкъе йоаржаярах малагӏа жоп дала дезаш хургва из саг ӏаьдала хьалхашка, цун малагӏа бехк хул цу ийрчача гӏулакхах. Цул совгӏа, кхетаче вӏашагӏъеллараша довзийтар кагирхой шоай бӏехача гӏозара юкъебахара цу наха леладеш дола бахьанаш», - аьлар хоамо.
Цу тайпара кхетаченаш дӏаяхьаро, дика болх вӏашагӏболла таро лу кхерамзле а йолаш, кагирхошта гӏо дара, цаховш дар царна хьалхадаккхара, гойтара», - аьлар ГӏР кагирхой гӏулакхех йолча Комитета денала даькъа говзанчас Овсажанаькъан Мухьмада.
